|
SubscriptionsSites I Read
|
|
|
|
| 話禁快又過左10日......仲有2日半就要"返歸" 啦....心情唔知點用解有D忐忑不安, 心大心細...一方面可能係開始有o的掛住屋企,但係另一方面又會同自己講唔想咁快就走....都唔知自己想點..... 不過可能其中一個唔想返香港既原因係開始有o的擔心, 唔知點去面對剩下來的5個月..... (如果可以留低繼續都仲有o的機會...而家就......唉...................) 同埋前兩日先至發現件新褸果"浸"Fleece唔知做咩起左一大堆毛頭..勁樣衰...唔知係唔係被魔術貼既野"黏"過....................勁肉痛囉依家.......................可能呢個都係其中一個令到心情惡劣既原因..... 不過都有開心既事..就係我終於都去左上次係法蘭克福去唔到既展覽館啦 ...其中有幾副高過我既油畫....真係好得....都唔知果時o的人點樣畫嫁....... 雖然我係個藝術白痴, 但我都覺得的油畫真係好靚....之後就去左中心附近既商場睇下有咩買啦,最後終於忍唔住都買左一盒Puzzle....哈哈...係時間叫定人幫手先得..唔係都唔知幾時先會"切"完......................係途中一間麵包店買左2個"普通"既麵包同埋2支500ml既汽水.....你地估下要幾錢..................唉.....夠食3餐麥當勞......真係"O"晒嘴..... 最衰既去果陣明明係有猛烈既陽光..點之係走過陣竟然.....................好彩件褸頂得住...如果唔係就做左"落湯雞"....不過Prof Spohr 就冇禁好彩.......   其中兩幅大型油畫... 又係我最鐘意既大教堂啊...(雖然細左d.....同埋大家留意下, 開始烏雲密佈....) | | |
| 剛剛睇左新聞, 話琴日係香港25年來最"暖"既年初一, 高氣溫達25.3度...真係離晒譜啦.... 係呢度呢幾日既天氣都好好, 陽光譜照...而氣溫都好似漸漸回暖啦.....唔通再冇機會見到落雪...??? 由於這就既華人唔係太多, 所以冇咩農曆新年氣氛, 啊...唔係....應該話係完全..........開始有o的掛住新年既年糕...蘿蔔糕同埋屋企個"全盒" ..............最仲要就緊係新年唔少得既...........利是啦........今年一定會刷新紀錄.......係最"低"既紀錄..... 唉.................. | | |
| 話咁快又新年..係度預祝各位豬年事事順利, 豬事亨通, 豬圓肉潤, 豬光寶氣, 打工既朋友發過豬頭, 考試既朋友豬到功成....哈哈...... 又要講返之前既野先....係第三個星期既週未終於都有機會到德國既中心 --- 法蘭克富參觀, 雖然果日o的天氣唔係太好, 天色陰陰沉沉...不過都冇阻礙遊覽時既氣氛..... 係度終於都搵到一o的似返香港既感覺, 四周都有一些很高既建築物...非常之現代化....隨處都可以見到銀行 (簡直就好似去左中環咁)...不過唔同既係...呢度o的商店係星期日係..........唔營業的..........哈哈, (有籍口唔買手信...^^) 另外, 呢度有很多唔同種類既展覽館可以參觀, 不過有o的既入場費都幾貴嫁 (大約$130)...不過果日大多人排緊隊買飛入場, 所以決定擇日重賽.... 有機會的話一定要係度試下"正宗"既法蘭克富腸同埋如果可以比我係呢度既歌劇院睇到 The Phantom of the Opera 既話就好lu................哈哈........ 舊歌劇院..The phantom of the opera is here..  好鐘意後面這座宏偉既大教堂...
係第四個星期就冇咩特別野發生, 不過原來Prof Spohr 係星期日(2月11號)生日啊, 果日佢邀請左佢o的兄弟姊妹一齊黎佢屋企慶祝生日(差一個就可以拍十兄弟啦), 果場面都幾熱鬧啊, 係度點都要補番一句生日快樂 ^^ ........(不過我遲o的要補返份禮物先得..) | | |
| 話咁快又過左兩個星期, 距離"返歸"既日子愈來愈近, 心情總是有點..... 講返上次先(第二個星期六), 咁大個仔終於比我親身見到落雪, 果種興奮既感覺簡直係非筆墨所能夠形容...可能唔係落得大太, 氣溫唔算特別凍 (估計係零下四、五度左緊啦).. 不過就算將o的雪揸係手, 都唔會溶嫁...講真件 "Columbia" 又真係幾得.......冇左佢既話我估我既下場會.............. 果日又做左好多人身既第一次..包括第一次同雪人合照、第一次親手整雪球同埋第一次係德國 PK....仲要係唔止一次...(因為地下冼, 同埋對鞋蝕晒底....) , 仲連累到我個friend部相機都...... (對唔住啊).... 不過果日真係好開心..好High.... 不過亦都有美中不足(遺憾)既地方, 咁就當然係.................你地明啦.....  風雪中的海德堡...
風雪中的肥文...   與雪人合照...
與 Prof Spohr 合照..  到第三個星期, 因開始習慣了呢度既生活節奏 (悠閒).. 開始有點 "Hea" , 加上要對住一D 我好憎既野..係咩.. 未就係呢D 囉........ " For i = 1 to 10 For j = 1 to 10 Cells ( i, j ) = i + j next j next i " =====> 問你死未..... 果個星期係完全冇筆記既情況下同教授一齊"自學" Visual Basic + Excel" ...真係有d 想死既感覺...不過因時間既關係需要暫時"休戰"...(唔知係好事定係壞事呢......嘿嘿....^^) | | |
| 好耐都冇打過xanga 啦...係時候更新一下啦....今次有o的特別, 因為係第一次係香港以外既地方打, 個感覺真係有o的唔同.. 如果要我用幾個字去形容係2006 年發生個既事啦, 我會用"無驚無險"黎形容,如果講得衰o的既話可以話係"不知所謂"....冇咩特別既大事發生,又冇咩特別既貢獻....hea 下hea 下咁又過左一年.... 真係.......... 而家我身處係法蘭克福以南約20公里一個叫達姆施塔特 (Darmstadt) 既小市鎮內面,寄居係一個德國教授既屋企裡面進行一件驚天地泣鬼神既事, 就係.........................做實驗...........點解無啦啦走左黎呢度做實驗?? 唉....傷心事一件......遲o的有機會再同大家詳述..... 過左黎2個星期, 開始習慣呢度既生活, 首先係當大家要起身返學返工既時候, 果時先係我既訓覺時間...另外, 係飲食習慣上都有好大分別, ...係呢度係食麵包同薯仔多個食飯嫁...(希望返黎果陣唔好變左一舊薯仔啦...). 另外係言語溝通上就緊係........哈哈....用我o的唔鹹唔淡既英文law..... (係呢度發現左原來我自己o的 "n" , "l" 同 "r" 既發音簡直係無敵啦.....<===你地明啦), 同埋呢度真係冇咩夜晚活動嫁.................大家唔好亂估......係因為呢度既商鋪大約晚上六點幾就close 嫁...... 由於互聯網既發達, 同香港家人同朋友仔既聯絡頻密既次數就等同係香港一樣, "思鄉"病暫時都仲未發作(不過都幾掛住阿媽煮既飯同湯),.同埋比我發現左一樣野,原來我真係唔可以冇左"MSN"嫁...點解???...因為大家比我震動既頻率仲勁過唐山既大地震啊.......哈哈...... 係呢2個星期裡面做左同發生左好多人生既第一次......最緊要果樣就緊係第一次係外地過生日啦...有開心有唔開心啦....開心既係係我走之前我班同學仔預早同我慶祝..真係好開心啊果晚..(多謝NRU 所有既同學..Yin, Carmen, Kristy, Celia, Fong, Lun Lun, Raymond....), 多謝咁多位有send 過message 比我既朋友仔啦...同埋我既屋企人......, 唔開心既就緊係得自己一個人過冇人陪....唉..... . 係飲食上嘗試左第一次生食紅蘿蔔, 原來真係好鬼硬嫁.... 同埋第一次食左用牛奶煮既飯"Milk Rice" ..o的味道都唔錯嫁... 係娛樂上第一次睇德文台, 同埋睇西片DVD 果時睇英文字幕....原來都幾難頂嫁....係日常生活上第一次係低過零度既空氣下出街...第一次冇咩特別準備咁行出去....凍到塊臉"彊左", 講野講度一舊舊....係咁凍既環境下大家最關心既就緊係有冇見到落雪啦....個答案係..... | | |
|
